Omvendt klasserom

«No har eg meir tid til å arbeida med elevane individuelt. Eg har alltid ein samtale med kvar einaste elev i kvar einaste undervisning.»

Kva er omvendt klasserom?

Omvendt klasserom er òg kalla «Flipped classroom» og inneberer hovudsakleg at nytt faginnhald blir gitt til eleven som lekser i staden for i klasserommet. I det tradisjonelle klasserommet er det vanleg å gje eleven nytt faginnhald i klasserommet og sende oppgaver med heim. Driver læraren med omvendt undervisning så lagar læraren klar videosnuttar som eleven kan sjå på heime. Dette gir eleven sjansen til så sjå delar om igjen om det er noko som er vanskeleg å forstå, eller om fokuset ga etter. Når elever samles i klasserommet blir det mykje større rom for diskusjon av faginnhaldet, case-arbeid og kritisk tenking.

Kva er fordelene?

I følgje Tucker (2012), er de fleste lærarar einige om at det ikkje berre handlar om videosnuttane, men at dei er integrert i ei heil tilnærming. Klasserommet blir eit sted der elevane arbeider seg gjennom problemstillingar, engasjerer seg i samarbeidslæring, og ikkje minst så får dei sjansen til å få med seg alt utan at det må skje «her og no, eller ikkje i det heile». Altså, om eleven ikkje får med seg det læraren seier den eine gangen det blir sagt, og ikkje vågar å sei i frå om det, så er den moglegheita vekke.

Det gir òg ein gylden moglegheit til å vurdere kva eleven får med seg av videosnuttane. Anten ved å ha små oppdrag som for eksempel at alle elever skal kome til klasserommet med eit spørsmål om faginnhaldet, eller ved å sende ut Forms med eit spørsmål dei skal svare på. Kort forklart er desse fordelane med omvendt klasserom:

Klasserommet blir eit sted for aktiv læring
Moglegheit for repetisjon av fagleg innhald
Betre tilrettelagt læring då elevane arbeider i eige tempo
Moglegheit for å vurdere kunnskap
Elevane blir betre i sjølvstendig læring
Elevar som er mykje vekke treng ikkje å gå glipp av alt
Klasseromsundervisninga kan bli meir interessant for elevane